Foto: Arnold Hoddevik
Årets opningskonsert er lagt til Ålesund kyrkje, og i dette massive kyrkjerommet får ein oppleve musikken slik den var meint å høyrast ut. Det er vårt eige festivalorkester og dirigent Rune Bergmann som skal tolke Anton Bruckner si middelalderromanse; symfonien som vart hans gjennomslag og fekk kallenavnet «den romantiske».
Ta berre ein titt på komponisten sine eigne notat om symfonien si opning:
«Middelalderby - daggry - morgonrop lyder frå byens tårn - portane opnast - på stolte hestar rir riddarane ut i det fri, naturen sin magi omsluttar dei - skogen si mumling - fuglesong - og slik utviklar det romantiske biletet seg vidare...»
Konserten opnast først av eit kortare verk av den norske komponisten Egil Hovland, som ville fylt 100 år i år, som også er Anton Bruckner sitt 200-årsjubileum! Gå inn i hausten med denne monumentale musikkopplevinga. 🍂
Program
Egil Hovland – Fanfare og koral
Anton Bruckner – Symfoni nr. 4 «Den romantiske»
PS: Nachspiel! Få med deg Folkepub på Teaterfabrikken rett etterpå - kl 21:00 spiller Farstad & Farstad opp til god stemning – virtuos folkemusikk frå Nordvestlandet.
KJEKT Å VITE:
⏳ Varigheit: 90 minutt (dørene opnar 30 minutt før konsertstart)
🪑 Førstemann til mølla-prinsippet
♿ Tilgjengelegheit: Lokalet er tilpassa og tilgjengeleg for alle
-
Kveldens vert er den internasjonale stjernedirigenten og sykkylvingen Rune Bergmann. I tillegg til å være sjefsdirigent i heile tre utanlandske symfoniorkester, er han festivalen sin kunstnariske leiar. I Canada, Polen og Sveits, der han jobbar til vanleg, er han kjent som «the big happy viking», og det er stort for oss å få han heim til Sunnmøre også i år.
-
Vårt eige festivalorkester er samansett av Sjøforsvarets musikkorps frå Bergen, saman med ei strykargruppe beståande av fleire profesjonelle utøvarar frå regionen, våre lokale talent, og eit utanlandsk dryss frå Rune Bergmann sitt internasjonale nettverk.
-
Anton Bruckner (f. 1824, d. 1896) var ein østerriksk komponist som elska store, majestetiske symfoniar og vakre kyrkjeverk. Han starta som ein beskjeden organist frå ein liten landsby, men musikken hans har rørt hjarter over heile verda. Bruckner var ein meister i å veve saman mektige lydbilete med enkle, rørande melodiar. Musikken hans treff både hovudet og hjartet, og gir oss ein følelse av både stordom og nærleik.
-
Egil Hovland (f. 1924, d. 2013) var ein norsk komponist med røter i kyrkjemusikken. Han komponerte alt frå storslåtte korverk til fengande orkesterstykke. Han evna å kombinere det tradisjonelle med det moderne, som gjor musikken hans både tidlaus og nyskapande. Hovland sine verk er fulle av liv og sjel, og han klarte alltid å bringe noko unikt til kvar note. Musikke er som ei omfamning, full av norsk natur, kultur og hjerte.